#احمد #بوستون

لولو و نانا (بولوم ۱)

هشدار: بو یازی دا اۆر‌گی قالخمالی سؤزلر وار و شاید بعضیلرین راحاتسیز ائده.

چین‌ین بیر اوزاق شهرینده «ژیانکو» آدلی بیر جوْجوق اوغلان دده‌سینین زمیسین‌ده* چالیشارکن، بیلمه‌دن* آیاغینی بیر قورباغانین اۆستونه قوْیدو. یازیق قورباغا بیر فیت سسی وئریب آیاق آلتیندا پارتلاییب ایچری‌سین‌ده‌کی قارین قورساق* ائشیگه تؤکولدو. ژیانکو، اولجه نه باش وئردیگینی آنلامادی. آنجاق آیاغین قالدیردیقدا ، باش وئرن افتضاحی گؤردو. قورباغا، یادا گرک دئیک، قورباغادان قالان یاشیل، قارماقاریشیق و ایگرنج لئش چکمه‌سینین آلتینا یاپیشمیشدی. آیاغین قالخیزارکن، قورباغانین اۆر‌گی، قورساغی، قارنی و دار-داماری ساللانیب، توْولانیردی. اگر ناغیلیمیزداکی اوغلان بیر معمولی اکینچی «ژیانکو» اولسایدی، بیر آز پیف پیف، واه واه ائلییب، چکمه‌سینی سیلیب حصیر بؤرکونو باشیندان گؤتوروب بیر آز اوزون یئللیه‌جکدی و سونرا یاشامیندان و روزگاردان آجیقلانیب دیل آلتی دده‌سینه و اونون‌دا دده‌سینه و بو زَمینی اَکنه و بیچَنه، یاواشجادان یامان دئییب ایشینه قاییداجاقدی و اوْتوز ایل او زمیده عؤمور چۆرودجکدی. آمما بیزیم ژیانکو معمولی بیر اکینچی اوغلان دئییلدی.

سؤزلوک: زَمی: اکین یئری، تارلا، مزرعه – بیلمه‌دن: سهوا – قورساق: حیوانلارین معده‌سی، عمومیتله معده