ناغیل ۲۰) چیرکین اؤردک بالاسی

بو ناغیلین یازانی هانس کریستین اندرسن دیر. آقای جبار مجنون بیگوف اؤنی ترجمه ائدیبلر. آیریلاری ده ترجمه ائلییبلر. آقای مجنون بیگوفین ترجمه سی منه داها اؤره گه یاتیم گلدی.

شهر کناری چؤخ گؤزلدی! یای گؤنلری اؤلدوغوندان، چؤللرده چؤودار قیزارمیش، یولاف یاشیللاشمیش، اؤتلار بیچیلیب، ییغیلیب، تایا وورولموشدو. اوزون قیچ لک لک یاشیل چمنلرده گه‌زیسیر. میصیر دیلی ایله سؤیله‌نیردی. اؤ بو دیلی آناسیندان اؤرگه‌نمیشدی.

گؤل و چمنلیکله‌ردن اؤ یانا مئشه لر اؤزانیردی. بورادا درین گؤللر ده واردی. شهر کناری دؤغوردان دا چوخ گؤزلدی. بیر طرفی گؤنئی، دؤرد طرفی ده‌رین سو آرخلاری ایله احاطه اؤلونموش کؤهنه مالیکانه‌نین داش دیوارلارین‌دان باشلامیش آخیرلارینا قدر آیی‌پنجه سی بیتمیشدی. آیی‌پنجه سی اؤ قدر هوندور ایدی کی،بالاجا اؤشاقلار اؤنون ائنلی یارپاقلاری آلتیندا آیاق اؤسته سربستجه دورا بیلیردیلر. مئشه لرده اؤلدوغو کیمی قالین آیی پنجه سی اؤلان یئرلر هم ساکیت، هم ده قؤرخونج اؤلوردو. بورادا چوخداندی کی بیر اؤردک قیرت دؤشوب یومورتا اؤستونده اؤتورموشدو. چوخ اؤتورماقدان لاپ تنگه گلمیشدی. هم ده اؤنا باش چکن آز ایدی. باشقا اؤردکلر آییپنجه لرین آراسیندا اؤنونلا قاققیلداشماق عوضینه، آرخلاردا اؤزمه یی داها اوستون توتوردولار.

نهایت، یومورتالارین قابیغی چاتلادی. جیک ... جیک سسلری ائشیدیلمه یه باشلادی اتجبالالار باشلارینی قابیق دان بایرا چیخارتدیلار.

اؤردک بالالارینی سسلدی. اؤنلار قابیقدان بیر تهر چیخدیلار. اطرافا، آییپنجه‌سینین یاشیل یارپاقلارینا باخدیلار. یاشیل رنگ گؤز اوچون خئییرلی اؤلدوغوندان، آنالاری اؤنلارا مانع اؤلمادی. اؤردک بالالاری یيربه‌یئردن سسلندیلر:

- اه دونیا نه بؤیوکدور.

قؤجا اؤردک سسلندی.

- بس نئجه؟ یوخسا گؤمان ائدیرسینیز کی، بوتون دونیا ائله بورادیر! خئیر ها، اؤ چوه اؤزاقلارا، اؤ طرفه، باغین اؤ تایینا، کئشیش چؤلونه قده‌ر اوزانیر. آمما من عومرومده بیر دفعه ده اؤلسون اؤرا گئتمه‌میشم. دئیه سن هامینیز بوراداسینیز، هه؟ اه! یوخ، هامینیز بورادا دئیلسینیز. ان بؤیوک یومورتا هله چاتلاماییب، بوتوؤدور! بس بو نه واقت چاتلایاجاق؟ لاپ تنگه گلدیم...

اؤردک یئنه ده یومورتانین اوستونده اؤتوردو. اؤنا بس چکمه یه گلن گؤجا اؤردک سؤروشدو:

-هه، ایشلر نئجه دیر؟

- نئجه اؤلاجاق؟ بودور باخ بو بیر یومورتا ایله اؤچ باجارا بیلمیرم. چاتلامیر کی، چاتلامیر. گؤزله مکدن یؤرولدوم. بیر بو کؤرپه لره باخ، گؤر نه قشنگ دیلر! هامیسی بیر بیرینه اوخشاییر، لاپ ائله بیل آتالاریدیر. آننا یاراماز آتالاری بیر دفعه ده یانیما گلمدی.

-اؤ چاتلامایان یومورتانی منه گؤستر گؤروم. -دئیه قوجا اؤردک سسله ندی.

-اینان کی، بو، هیند تؤیوغونون یومورتاسیدیر! بیر دفعه منیم ده باشیما بؤ جور ایش گتیرمیشدیلر. هیند تؤیوغونون بالالارینین زحمتینی چؤخ چکدیم، آمما بیرینی ده آلدادیب سویا اؤیرده بیلمیدیم. نه قدر قاققیلدادیمسا، کار آشمادی، سؤیا گیرمه دیلر کی گیرمه دیلر. یومورتانی وئر، بیر ده باخیم! هه، لاپ اؤزودور! هیند فؤیوغونون یومورتاسیدیر! بوندان ال چه‌ک. گئت اؤز بالالارینا اؤزمه‌ک اؤیره‌ت!

- یوخ، یاخشیسی بؤدور، بو قدر اؤتوروب گؤزله‌میشم، بیر آز دا گؤزله‌ییم.

قؤجا اؤردک:

-منه نه وار، نه قدر ایسته‌ییرسن گؤزله!-دئییب گئتدی.

بؤییوک یومورتا دا آخیر کی چاتلادی. یومورتادان جیک جیک دیه بیر بالا چیخدی. اؤ، هم بؤیوک، هم ده چیرکین ایدی. آنا اؤردک اؤنو گؤزوجو سوزه‌ر‌ک، اؤز اؤزونه:

-نه بؤیوکدور!-دئدی. -بوهئچ اؤ بیریله‌رینه اؤخشامیر! دوغرودانمی، هیند تؤیوغونون بالاسیدیر؟ گؤره‌سن، اؤ دا مینمله سودا چیمه‌جک؟ اه، گوجله ده اؤلسا، اؤنو ایته‌لییب سویا سالا بیلسه‌یدیم!