بو شعری تیمور ائلچین نین کیتابیندا گوردوم و بوردا گتیریرم.
بایرامینیز مبارک
الیفبا بایرامینیز
نه یاخچی اؤیرنمینیز
الیفبانی هاممینیز
نه دیر، نه دیر الیفبا؟
سس لرین ایشاره سی.
بیلدییمیز سؤزلرین
یازیلی نیشانه سی
سؤروشسالا دییه ریک،
کیم دیر کیمدیر الیفبا.
بیلیریک، ان بیرینجی
معلیم دیر الیفبا.
الیفبا بیزدن کوسر،
یازساق ایلان قورباغا
باشلاساق وحشی لر تک
کیتاب لاری جیرماقا
الیفبا چاشیپ قالار،
دؤلاشیق دوشسه حرفلر.
[تیمور ائلچین، کؤنلوم قره باغ دادیر، تی ای اِی اس نشریات ائوی، استانبول، ۲۰۱۹]