۸) باهار گلیر

بو شعری بو کیتابدان گتیرمیشم: «اوشاق نغمه لری» حاضیرلایان: مسعود سبزی

آخیر سولار آشیر-داشیر

داغ دره لر یاشیل لاشیر

سئوینجیمیز حددن آشیر

آی اوشاقلار، خوش باهار گلیر

داغدا چوبان چالیر توتک

اوت اوتلاییر قویون، اینک

اسیر سرین-سرین کولک

آی اوشاقلار، خوش باهار گلیر

قوشلار اوچور قاطار-قاطار

چیچک لنیر گؤی باغچالار

آی اوشاقلار، آی اوشاقلار

سئوینجیمیز، خوش باهار گلیر

[مسعود سبزی، اوشاق ماهنیلاری، تبریز، انتشارات نباتی، ۱۳۹۱، ص۳۴]