نریمان حسنزاده دن بیر شعر.
خاطره
دۆز گيجه یاری
قالخدی یوخودان.
اویونجاقلاری
ایسته‌دی شیطان.
-غازیم هاردادی؟
-غازین یاتیبدی.
-قۆزوم هاردادی؟
-قۆزون یاتیبدی.
- الجه‌گیم هانی؟
-الجک ده یاتیر.
-پئنجئگیم هانی؟
-پئنجئک ده یاتیر.
کسدی سؤزونو،
یومدو گؤزونو،
یاتدی خاطره.
شیرین یوخویا
گئتدی خاطره.
قایناق:
[نریمان حسنزاده، سئچیلمیش شعرلری یئتدی جلدده (بیرینجی جلد)، ریداکتؤر گۆلدانه عمرالله قیزی، پرومئتئیین کیتابخاناسی، باکو، ۲۰۱۰]