شعر ۷۱) تنبل حسن

آقای حبیب فرشباف دان بیر شعر.

تنبل حسن

بير اوغلاندير تنبل حسن

نئجه تنبل گل گؤره‌سن!

الي قارا، اوزو قارا

شالواري‌نين ديزي پارا

اوزون يوماز سحر- سحر

مدرسه‌يه بئواخت گئدر

او مشقيني غلط يازار

توپورجوکله سيليب، پوزار

ميدادلارين هئي قاتدايار

مشق‌لرينی شولاتدايار

موعلليمي دئير ديکته

او «صفر» آلار کوفته- کوفته

بير اوغلاندير تنبل حسن

نئجه تنبل گل گؤره‌سن!

ائولرينده بير ايش گؤرمز

درس‌لرينه فيکير وئرمز

گئجه گوندوز توپ اوينايار

هر کيلاس‌دا اوچ ايل قالار

کيتابلاري جيريق- جيريق

اوستو باشي شيره- شيرتيق

او آينايا باخسا اگر

آيناني دا چيرکه چکر

بير اوغلاندير گؤزل- گؤيچک!

اوزو- گؤزو دولو ميلچک.......