ناغیل ۲۳) تورپون ناغیلی

بو اثر اصلین ده آقای جبار باغچه بان (جبار عسگرزاده) دن ، بیر نمایشنامه دیر. او اوزی ده بیر روس نمایشنامه دن الهام آلیب. آقای باغچه بان ناشنوالار اوخولونون یارادانیدیر. تبریز ده، ایرانین بیرینجی کودکستانین دا ، او قوردو.

بيري وار ايدي بيري يوخ ايدي. بیر گون بابا بیر تورپ اکدی و دئدی:

- بویو، بویو، تورپوم. شکر اول، محکم اول!

گونلر کئچدی، بابانین تورپو بویویوب چوخ بویوک بیر تورپ اولدو. بابا تورپو چیخارماغا گلدی، دارتدی، دارتدی، چیخاردا بیلمه دی.

بابا، ننه نی کومه یه چاغیردی، ننه بابانی، بابا تورپو دارتدیلار، دارتدیلار، چیخاردا بیلمه دیلر.

ننه نوه نی کومه یه چاغیردی، نوه ننه نی، ننه بابانی، بابا تورپو دارتدیلار، دارتدیلار، چیخاردا بیلمدیلر.

نوه توپلانی کومه یه چاغیردی، توپلان نوه نی، نوه ننه نی، ننه بابانی، بابا تورپو دارتدیلار، دارتدیلار، چیخاردا بیلمه دیلر.

توپلان مستانی کومه یه چاغیردی، مستان توپلانی، توپلان نوه نی، نوه ننه نی، ننه بابانی، بابا تورپو دارتدیلار، دارتدیلار، چیخاردا بیمه دیلر.

مستان سیچانی کومه یه چاغیردی، سیچان مستانی، مستان توپلانی، توپلان نوه نی، نوه ننه نی، ننه بابانی، بابا تورپو دارتدیلار، دارتدیلار...

و چیخارتدیلار.