ناغیل ۸) سیچان ایله دوه

بو ناغیل چوخ لی وئبلاگ لاردا گلیپ دی. بیرده بو ناغیلی آقای حسینقلی سلیمی نین کیتابیندا تاپماق اولار.

بیر سیچان چولده بیر دوه یه راست گلدی، دیشی ایله دوه نین افسارین چکمگه باشلادی.

دوه دینمز–سویله مه ز سیچانین دالیجا گئدیردی. سیچان گئدیب بیر دئشیگه گیردی و دوه نی ده اورا چکمگه چالیشدی.

سیچانین بو ایشینی گؤرن دوه دئدی: یا قوناقیوا گؤره اطاق تدارک ائت یا اطاقیوا گؤره قوناق چاغیر.

[حسینقلی سلیمی، آنا دیلینده ایلک درسلیک، نشر یازان، تبریز ۱۳۷۹]