شعر ۵۱) قؤچاق نبی

قوچاق نبی

بوزآت سنی سر طؤیله ده باغلارام

آند ایچیرم سنه مخمل چوللارام

اگرمنی بو داوادان قورتارسان

قیزیلدان گوموشدن سنی ناللارام

نبی نین بیغلاری ائشمه -ائشمه دی

پاپاغی گولله دن دئشمه - دئشمه دی

نبی نین آتینی بیر آت کئشمه دی

قوی سانا دئسینلر آی قاچاق نبی

هاجری اؤزوندن آی قوچاق نبی

گون چیخیبدی گون اورتانین یئرینه

هاجر خانیم قالخدی آتین بئلینه

اشرفی میرواری دوزوب تئلینه

منیم بو گونومده گلسین نبی

قازامات دامینی دلسین نبی

قوی سانا دئسینلر آی قاچاق نبی

هجری اؤزوندن آی قوچاق نبی