شعر ۴۶) دنیز

بو شعری بو کیتاب دا گوردوم و بوردا گتیریرم. «اوشاقلار ادبیاتی، آچیل، چتریم آچیل» شعر زهرا ولیزاده، کؤچورن: دکتر محمدحسین مبین (م-شیمشک).

دنیز

بیز گزه گزه

گئتدیک دنیزه

هیرسلندی دنیز

باخمادی سؤزه

لپه لر، شیر شیر

شیریلدا دیلار

صابون کؤپوکلر

پاریلدا دیلر

دئدیک: دنیز سن

نه هیرسلنمیسن؟

بس سن دونن کی

دنیز دییلسن؟

دئدی اوشاقلار

بئله خبر وار

صاباح اولاجاق

ساکیت گیلاوار

هئچ اینجه مه ئین

بو گون چیم مه ئین

آجیغی توتوب

خزر گؤلمه یین.

[زهرا ولیزاده، اوشاق ادبیاتی، آچیل چتریم آچیل، کؤچورن: دکتر محمد حسین مبین (م-شیمشک)، چاپخانه شعاع،تبریز ۱۳۷۴]