شعر ۴۸) قجله

شعر آقای نعمت مسگری دن دیر. بو شعری بیر تلگرام گروهون دا گؤروپ بوردا گتیریرم. نه قدر آختاردیم آیری یئر ده اونون قایناقین تاپا بیلمه دیم. خبریز اولسا هارادا چاپ اؤلونوپ منه دیین لطفا. تلگرام گروهونون آدی

👶Uşaq Mahnıları👧 اوشاق ماهنیلاری

دیر.

قجله

قجله بیر گؤزل قوش

تئز- تئز گلر بیزه توش

اونون آدی قجله

هر بیر ایشی عجله

آغ- قارا بیر رنگی وار

قارغا ایله جنگی وار

گؤزل قوش‌دور، تمیزدیر

منیم اوچون عزیزدیر

واردیر اوزون قویروغو

گئدر دوزو، بوروغو

دئیرلر او بزّازدیر

آنجاق قارغادان آزدیر

فارسجا آدی زاغچه‌دیر

قارغا اوچون بچه‌دیر

سوروسو یوخ، تک قالار

یاشاییشدان داد آلار

قیش یئتیشر، سو دونار

گلیب دیوارا قونار

اونا وئررم من چؤرک

سن ده ائله بیر کمک

گلسین بیزه قجله

یورولسا دا دینجله

نعمت مسگری