شعر ۹۳تاخیل بیتکیلری

رشید بی افندیزاده (۱۸۶۳-۱۹۴۲) دن بیر شعر.

تاخیل بیتکیلری

چلتیک دئییر:

تاخیللارین باشی یام

دؤیۇلمه میش ناشی یام

پۇلۇلارین پیلووی یام

کاسیب لارین آشی یام

بوغدا دئییر:

منه بوغدا دئیه رلر

چؤرک یاپیب یئیه رلر

هر گون منی یئمه یی

حالواتک ایسته یرلر

داری دئییر:

داری یام خاشخاش کیمی

بوغدایا قارداش کیمی

بوغداسیز تکجه مندن

چؤرک بیشر داش کیمی

[قارا نامازوف، تیمور احمدوف، آذربایجان اوشاق ادبیاتی آنتولوژیاسی، ایکیمینجی جیلد، اؤندر نشریاتی، باکی ۲۰۰۴، ص۲۱]