شعر ۷۲) شنگولوم منگولوم

خانم عالم زر علیزاده دن بیر شعر. اؤز وئبلاگلارینان. اؤنون قایناقین آفتاب آذربایجان درگیسی یازیبلار.

شنگولوم - منگولوم

سؤیله ییر آخشام ننه

ناغیل یاریمچیق قالیب

یوخوسو گلیر گئنه

قورتارمامیش سؤزونو

ننه یومور گؤزونو

آیتن دولوخسونور کی

آرخاسینی سؤیله سن

آناسی آچیقلاییر:

یات سحر سؤیله درسن

قیز دئییر : آنا یوخ - یوخ

ننه م سؤیله سین ایندی

شنگولو مو - منگولومو

آخی جاناوار یئدی

جیرسین اونون قارنی نی

گئچی نین بوینوزلاری

سحره کیمی قالسا

اؤلر یازیق بالالاری