شعر ۳۱) داری و قوشلار

:بو کیتاب دان

آچیل چتیریم ، شاعر: زهرا ولیزاده، آذربایجان الفباسینا کوچؤرن: دکتر محمد حسین مبین (م-شیمشک)، چاپ شعاع، تبریز ۱۳۷۴

داری و قوشلار

موسی عمی اکدی داری،

داریلاری اؤلدی ساری.

ییغیب تؤکدی کیسه سینه،

یاددان چیخارددی قوشلاری.

قوشلار دئدی: جیک- جیک- جیریک،

یاخشی نی پیسی بیلیریک.

موسی عمی پای وئرمه دی،

خوشلامیر بیزی بیلیریک.

هارای سالیب ییغیشدیلار،

کیسه اؤسته دولوشدولار

داریدان دویونجا یئییب،

یووالارینا اوچدولار.

عیسی عمی اکدی داری،

داریلار اؤلدو ساپ ساری.

بیچیب بیرنالا ساخلادی،

اونوتمادی شن قوشلاری.

قوشلار دئدی: جیک- جیک جیریک،

یاخشینی پیسی بیلیریک.

عیسی عمی پای ساخلادی،

خوشلاییر بیزی بیلیریک.

زهرا ولیزاده