ناغیل ۲) چینار

بو ناغیلی بو کیتاب دا گوردوم و بوردا گتیریرم. «باخچا، اوشاخلار اوچون درسلیک» یازیچی: کامران قراملکی.

آغاجي قوُرد ايچه ريدن يئير

چينارا دئديلر :

ــ «ائله بير شئي وار کي ، سني ديبدن کسيب سالار و حياتينا سوْن قويار.»

چينار گؤله رک دئدي:

ــ «کؤکوم آنا تورپاغين بلگينده ، باشيم گؤيلرين اَتگينده ، داراق يارپاقلاريم بوُلوتلارين ساچيني دارار ، کؤکوم ايسه توْرپاقدان گوج آلار. يئرين سوُيو و نعمتي آلتيمدا ، گونون ساچاغي و حرارتي اوٍستومده ، آرخام قاتار ـ قاتار ، کيم منه باتار؟»

دئديلر:

ــ «اوْ شئيين دسته سي اؤزوندندير.»

بوُ سؤز چينارين قرارين کسدي ، تير ـ تير اَسدي و اينله يه رک دئدي :

ــ «آخ! اؤزوم! اؤزوم! بوُنا يوْخ سؤزوم ؛گؤزومدن ايٌراق ، باشيما توْرپاق ، اؤزومدن اوْلسا ييٌخار ، دوٍشمنلر ايسه گوٍله رک باخار.

[کامران قراملکی، باخچا، اوشاق لار اوچون درسلیک، ۱۳۸۴، تبریز، ص ۷۶.]