ناغیل ۹) تولکو ایله دوه

قاناد وئبلاگین نان. لینکین صفحه نین آخیرین دا گویموشام.

تولکو ایله دوه

بیر تولکو وار ایدی . او دوه لرین دوْزوملو و حمیل اوْلدوقون بیلدیگی اوچون ،قوْنشولیقیندا کی دوه یه هر گون هده قوْرخو گلیب دئییردی :آی دوه سن یئرییه نده توْز تورپاق سالیر سان باشقالارینا ضرر چاتدیریرسان گؤزله اؤزوندن مییاقات اول یوْخسا سنی توتوب جیریب یئیه جگم. تولکو بو سؤزلرله باشقا بالا حئیوانلاری دا قوْرخودوب اوْنلارا دوشوندوروردواوْ یئکه لیکیده دوه مندن قوْرخور بئله لیکده سیزده قوْرخمالی سیز .دوه اؤز ایچینده گولردی آمما حمیل اوْلدوقو اوچون بو سؤزلری سایماییب اؤز ایشینده اوْلاردی. بیر گون دوه تولکو یه درس وئرمک اوچون گئدیب اونون یوواسینین یانیندا اؤلولر کیمی اوزانیب یاتدی. تولکو گلیب گؤردوکده اونو اؤلو سانیب قویروقون اونون قویروقونا باغلادی کی چکیب مئشه لیک ده دولاندیرسین باشقا حئیوانلاری آرتیق قورخوتسون . قویروقلارینا نئچه برک دوگون ووراندان سونرا بیردن دوه دوروب یولا دوشدو تولکو ایسه اونون قویروقوندان آسلاناقلی قالدی. دوه یئردیکده دیزلری تولکونون قاریننا توخونوردو.بونو گؤرن باشقا حئیوانلار ییغیشیب داللارینجا دوشموشدولر بیر دووان سووشدو ؟

آی تولکو بئله گئدیرکن مقصدین هارادیر؟

تولکو یانیتلادی: بیر آغانین اتگیندن توتموشوق مقصد هارا اولورسا اوْلسون.