بیرینجی سوز

عزیز دوستلار، سلام. آتا-آنامین منه آذربایجان اوشاق شعرلری و ناغیللارینی اویرتماغین، اوزومه بویوک بیر هدیه گورورم. اونون ایچون، من ده اوغلوما بو هدیه‌دن بیر پای وئرمک ایسته‌ییرم. اوغلوم آیدن ایکی آی بونان قاباق آنادان اولوپ و صفحه نین آدین اؤنان گؤتورموشم. من تبریزده دونیایا گلیب، تبریزده بویوموشم. تاسوفله، بیز رسمی تورک دیلیمیزده یازیب-اوخوماغی اویرنمه‌میشیک. اونا گوره ده، من آرادا بیر الیمدن گلدییی قدر نئجه اولورسا اولسون یازماغا چالیشیرام. لطفا منیم قرامئر غلط‌لریمی اوز بویوکلویوزه باغیشلایین.

بو وبسایتی وورماخدان ایکی آماجیم وار. بیرینجی‌سی، ائشیتدیییم و اویان-بویاندان قولاغیما چاتان شفاهی شعرلری، ناغیللاری و آتا-بابا سوزلرینی بورادا سیزینله پایلاشماق و اوز اوغلومو دا اونون شیرین‌لییندن بهره‌مند ائله‌مک ایسته‌ییرم. ایکیینجی‌سی، سیزین کمکیز ایله بورادا یازدیغیم جومله‌لرین قرامئر خطاسینی و ایشلتدیییم اشتیباه کلمه‌لری دوزلدیب، دوز یولونا سالماغی ایسته ییرم. بو وئب‌سایتین اول نسخه‌سینده ساده‌جه بو ایشی باشلاماغا چالیشیرام. امید ائدیرم سیزین ده کمک لریزینن وئب‌سایتین فورمون گلیشدیریب، محتواسین گون به گون آرتیقراق گوزل و فایدالی شَکله سالاجاغام.

بورداکی جمله‌لری، وقتیم ایجازه وئردییی مدتجه، دوکتور جواد هیئت‌ین «اورتوقرافی سمینارینین قرارلاری» کیتابینین اصولو ایله پایلاشماغا چالیشاجاغام. گورک بو یولدا ایشی نه‌قدر یئرینه قویا بیله‌جاغام.

منن ارتیباط اوچون ایمیل وورون. (aydeninsuzleri@gmail.com)

وئب سایتین تازا گویدوغوم مطلب لرینی بو اینستاگرام صفحه سینده گوره بیلسیز:

https://www.instagram.com/aydininsozleri/

چوخ ساغولون.

سپتامبرین ۲۶ سی، ۲۰۲۱

Keywords:

#اوشاق شعری - #اوشاق شعرلری - #لای لای لار - #ناغیل - #ناغیل لار - #شعرتورکی #تورک #ایران #آذربایجان #آزربایجان #قشقایی #عاشیق #شعر #نازلاما #بایاتی #ترکی #آذری #تبریز #مراغه #جلفا #زنجان #تهران

#turkish #azeri #baby #kids #toddler #poems #nursery_rhymes #lullabies #lullaby #azari #tabriz #tehran #jolfa #maraghe #ardabil #aydeninsuzleri