شعر ۷۵) یالان

شعرین شاعرین تاپا بیلمدیم. بو تلگرام قوروپون دان گؤتورموشم:

Ușaq evi

@azusaq

منیم آدیم آینازدیر

دوداغیم اینجه یازدیر

آنامی چوخ سئویرم

اونا یالان دئمیرم

سیزینله یم اوشاقلار

یالان دئسه دوداقلار

پاییز تكین سارالار

تانری اونو قارالدار

آتار قاینار قازانا

او قالار یانا–یانا

گلین یالان دئمه یه ك

دوزلوك دونونو گئیه ك

گلین بو دونیامیزی

چیچكلی رویا میزی

یالانلا دولدور مایاق

قونچاسین سولدور مایاق