شعر۴۴) مهربانلیق

شعر خانم سحر خیاوی (نجیبه رستم اوغلی) دان

مهربانلیق

یئریییردیم کوچه ده

گوردوم بیر پیشیک بالا

یارالانیب قیچیندان

سیخیلیب‌ دیر دیوارا

اله‌نیردی نارین قار

اوشویوردو کورپه‌جه

ائله تیر-تیر اَسیردی

دئدیم اوءلَر ایندیجه

اونو باسدیم باغریما

چیرپینیردی اوره‌گی

قان آخیردی قیچیندان

تیتره‌ییردی بَبَگی

تئز گتیردیم حَیَطه

یودوم بتادین ایله

یاراسینی باغلادیم

بیر تمیز مندیل‌ایله

قویدوم ایستی یاتاغا

گتیردیم اوتاغیما

پیشیگی یولداش ائتدیم

داریخدیران چاغیما

یئییب ایچیب دیرچلیب

ایندی ناز پیشیک بالام

گئتمه‌دی دای یانیمدان

قویمادی یالقیز قالام