حبیب فرشباف دان بیر شعر.
«باليق اولاجاغام»
آنا مني اوياتما
،من هله ده ياتميشام
شيرين يوخولاريم‌لا
.هئي باشيمي قاتميشام
اَل – اوز يوماق درديندن
،دورانميرام يوخودان
آنا بيلميره‌م نه دن
يامان قورخورام سودان
خئيري اولسون باليغين
،گئجه – گوندوز اوينايير
نه يوخودان دوراندا
.گئديب ال – اوزون يويور
نه هر غذادان سونرا
يويا جاقدير ديشلرين
او اوينايا – اوينايا
گؤرور تامام ايشلرين
آنجاق بو ايشلر ایچون
مني سئومه يير آتام
من ده تنبل‌ليگيمدن
بير باليق اولاجاغام