۳) پیس پیس لی پوسته خانیم

بو ناغیلی بو کیتاب دا گوردوم و بوردا گتیریرم. کیتاب «خوی ناغیل‌لاری» جناب علیرضا ذیحق دن دی. بو ناغیلی اوز آناسی، علویه خانیمنان نقل ائدیر.

بیر گون وارايدي، بیر گون يوخ ايدي . گون لرين بیرينده بیر پیس پیس لی وارايدي كي ائوده قالماق دان داريخیر. چیخیر ائشي يه. راس گلیر بیر سیچانا. سیچان دئییر: "ھارا پیس پیس لی؟" پیس پیس لی دئییر: "ديلین لال اولسون، گؤ زون كور اولسون. نییه دئییرسن پیس پیس لی؟ دئنه گینه ن پیس پیس لی پوسته خانیم، ساش لاري دابان اوسته خانیم، ھارا گئديرسن؟" سیچان دئییر: "پیس پیس لی پوسته خانیم، ساش لاري دابان اوسته خانیم، ھارا گئديرسن؟ "پیس پیس لی دئییر: " گئديره م يا أره يا گؤرا!" سیچان دئیر: " پیس پیس لی پوسته خانیم، ساش لاری دابان اوسته خانیم، منه گلیرسن می؟" پیس پیس لا دئییر: " مني ووراندا نه يي نن وورار سان ؟ " سیچان دئییر : " قويروغومون اوجونان گؤ زله ره ن سورمه چكه رم ." پیس پیس لی دئییر :" پس گله ره م ." سیچان نان پیس پیس لی أر آرواد اولورلار . بیرگون سؤزلري اولوب ساواشیر لار . پیس پیسلي ايستیر گئده دده سي گیله كي، قیچي بورخولور. دوشوري دوه ايزي درين گؤله . نئینیري چیخانمیري . يولدان گئچه ن آتديلارا دئییر : "آي آتديلار، فبیض باراتديلار ، خان ائوينه گئده ر سیز، ياغلي پیلوو يییه رسیز، سیچان سولو به يه دئیه ر سیز، پیس پیس لی پوسته خانیم، ساش لاري دابان اوسته خانیم دوشوب دوه ايزي درين گؤله، دئییر گلسین مني چیخاتسن . " آتديلار خان ائوينه گئده ر لر ياغلي پیلوو يییه رلر سیچان به يه ديیه ر لر : " پیس پیس لی پوسته خانیم ساش لاري دابان اوسته خانیم دوشوب دوه ايزي درين گؤله دئییر گلسین منيچیخاتسن." سیچان بي ده گئده ر.أل اوزادار دئیه ر:"ألی ني وئر چیخاسان!" پیس پیس لي ديیه ر :"ياغیش ياغدي گون چیخدي، ھله سن َتزه گلیرسن ؟ گئت گئت من سن نن كوسولي !" سیچان بَي ھئي يالوارار. آمما پیس پیس لي َلجه دوشوب ألیني وئر مز. آخیر دا دا سیچان جانا گلیب آجیغین نان ، دوه ايزي درين گؤله تورپاغ تؤ كوب پیس پیس لی ني باسديرار.

[علیرضا ذی حق، خوی ناغیل لاری به روایت علویه خانم، انتشارات شعر سپید، ۱۳۹۳، شماره کتابشناسی ملی ۳۱۳۹۱۱۴]

بو خالق ناغیلین، عبدالله شائق (طالب زاده ۱۸۸۱-۱۹۵۹ میلادی)، نظمه چکیپ و ۱۹۷۴ ده «پیس پیسا خانیم و سیچان بئی» قیسا انیمیشنین ده، مسعود پناهی و آقانقی آخوندوف بو ناغیلی فیلمه چکیپلر.