مرتضی مجدفر دن بیر شعر.
یئل و یارپاقلارین اویونو
کوفولتو سسی
قالخدی هر یئردن
یئل هارای چکدی
تاپیلدی بیردن
یارپاق‌لارا او
سلاملار وئردی
اویناماق اوچون
چوخ سؤزلر دئدی:
«گلین اوینایاق
اوچا-اوچا بیز
پوفله‌ییم سیزی
اوُنده گئدین سیز.
گیزلن قاچدیر بوُ
اویونون آدی
یادلاردا قالار
اویناماق دادی»
یارپاقلار قاچیب
اوردان گئتدیلر
اوزاقلاشیبان-
گؤزدن ایتدیلر
یئل یولا دوشدو
اونلارا ساری
بیر چوخ گئدیبن
یول اولدو یاری.
یئل گورنمه‌دی
هئچ یئرده یاپراق
هر یئر بوش ایدی
رنگ‌سیز، آغ-آپباق.
یئل بیردن آنجاق
دویدو بیر سسی
چالیشدی تاپسین
یارادان کسی.
خیشیلتی سسی
گولدوردو اونو
چاتمیشدی داها
اویونون سونو.
چیخدی یارپاقلار
گیزلنن یئردن
قالخدی هاوایا
شن سس‌له بیردن.
کوفولدادی یئل
گؤزلردن ایتدی
یئل‌له یارپاغین
ناغیلی بیتدی.
قایناق:
مرتضی مجدفرین شخصی اینستاگرام یاپراغی