بو شعری تیمور ائلچین نین کیتابیندا گوردوم و بوردا گتیریرم.
بؤلوجو
بوغلارینی ائشه ائشه
گلیب چیخدی بؤلوجو.
وار الینده توپپوزو
بیر جیبینده پیجاقی
بیر جیبینده اولگؤجو
بوغ آلتین دان
گولور گولور.
سحر آخشام
کسیر، بؤلور.
چتینه دوشسن اؤلسا،
گرک دئسین بولوجویا.
-نه وار گولوش؟
نیه بئله آجیقلیسان،
دوداغین نان قاچیب گولوش؟
نیه سوینج
ترس-ترس باخیر
سنه ساری؟
-گؤرورسنمی؟
آی بؤلوجو،
بو اوچ ناری؟
ننه م وئردی ایکیمیزه.
بیز بیلمیریک نئجه بؤلک،
سن ده بیزه.
-بو، گولوشون،
بو سوینجین.
باخ بونو دا...
-یوخ یوخ بولمه!
-اوچونجی نار
ننه میزین!
کیچیک قیزلار
قویمادیلار
بؤلونجونو
ایشه سالا بیچاقینی،
اؤلقونجونو.
او اوچونجی شیرین ناری
بوله یاری.
سحر آخشام بؤلوجو
بوغلارینی ائشه ائشه
بولور بئشه
اوتوزو،
بؤلور اوچه یوققوزو.
بولونمه ین رقم گؤرسه،
سالیر ایشه توپپوزو،
بیچاقی،
یا اولگوجو.
[تیمور ائلچین، کؤنلوم قره باغ دادیر، تی ای اِی اس نشریات ائوی، استانبول، ۲۰۱۹]