یئنی دۆنیادان

یئنی دنیادان آذربایجانا سوْوقات

سلاملار دوسلار،

کانال اوچون قیسسا تانیتیم:

بو کانالدا بیر مسلمان تورک اولاراق، آمریکادا یاشام تجربه‌لریمی پایلاشاجاغام. کانالین دیلی اولدوقجا ساغلام تورکجه اولاجاق. تاریخی، کۆلتورل، و سیاسی مباحثه علاقه‌مدن دولایی، بعضا بو قونولاردادا یازیلار یاییلاجاق. ان‌شالله سونرالار، کانالدا یاییلاجاق قونولاری گئنیشلتمه‌گه چالیشاجاغام.

کانال اوچون ایضاحلی تانیتیم:

• کانال قوُروجوسو:

رحمان خرم‌فر، صنایع مهندسلیگی، دکترا اؤیرنجی‌سی، قوزئی کارولاینا دولت اونیورسیته‌سی

Rahman Khorramfar, Graduate Research Assistant at Edward P. Fitts Department of Industrial and Systems Engineering, NC State University, Raleigh

• ندن بو کانال یاراندی:

اصلی هدفیم آمریکاداکی تجربه‌لریم و بیر نئچه ساحه‌ده باخیشلاریمی پایلاشماقدی. آمریکادا مسلمان و تورک اولدوغونوزدا، بورداکی کۆلتور و یاشام طرزی آذربایجان‌دان داها چوخ فرقلی گؤرونور. بو فرقلی‌لیک‌لری آچیقلاییب دیلداشلاریملا پایلاشماق ایسته‌دیم. تاریخ، کۆلتور، الهیات، و صنعت کیمی قوْنولار هر زامان منی ایلگی‌لدیگی اۆچون یازدیقلاریم بونلاردان بوش اوْلمایاجاق. آذربایجان‌لی اولدوغومدان دولایی ایسه، او بؤلگه‌یه عاید مسئله‌لر کانالدا یانسیاجاق.

• کانالین دیلی:

آذربایجان دیل و ادبیاتینا درین سئوگی و سایغیم وار. بو دیلی گلیشدیرمک و چئشیدلی ساحه‌لرده قوللانماق گرکیر. بو کانالدا تورکجه‌نی ادبیات، شعر و ماهنی‌دان باشقا ساحه‌لرده قوللانیب و دیلیمیزین گؤجونو گؤسترمه‌گه چالیشاجام.

• کانالین آدی:

آمریکادا یاشادیغیم و آمریکادان یازدیغیم اوچون "ینئگی دنیا (یئنی دنیا= The New World)" آدلاندیردیم. گلجک‌ده یئنگی دونیا باره‌سینده چوخ یازاجام.

• سیز و کانال:

- بۆتون اوخوجولاریمیزدان کانال اوچون نظر وئریب و آمریکایا عاید هرنه سورغولارین سوروشماغا دعوت ائلیرم.

•کانالدا یاییلان عکس و فیلیم‌لر:

یاییلان عکسی اؤزوم چکمیش اوْلسام، کانالین مارکی اۆستونده اولاجاق. فیلیم‌لرین ایسه اؤزوم چکمیش اولدوقلاری یا ایچریک (محتوا) و یا توضیحاتلا آنلاتیلاجاق.