اویون ۴) بورا بیر قوش قؤندی

بو اویونی کیچیک بیر اوشاق اولاندا رحمت لیخ ننه م و آلاه سلامت ائله سین آنام منه اوخویاردیلار. بو اویون دا کیچیک قوجاق داکی اوشاقین الین نن آلیب بیر بیر اول بارماق دان باشلیپ جوری بارماقاجان سایارلار و بو شعری اؤخیارلار:

بورا بير قوش قؤندو [بویوک، اوشاقین اؤجون دا بارماقینان بیر گیردنه چه کیر]

بو گؤردو [بیرینجی بارماق]

بو توتدو [ ایکینجی بارماق]

بو بيشيردي [اؤچومونجی بارماق]

بو يئدي [دؤردومینجی بارماق]

جيققي‌لييا قالمادي، گؤتی سولیا قالمادي. [جوری بارماق]

یادا کی بو توتدو، بو سويدو، بو پيشيردي، بو يئدي، جيققيلي سنه قالمادي، جيققيلي سنه قالمادي

یاداکی بیر آیری ورژنی بوجور دی:

بو دئدي: گلين گئدک اوغورلوغا [بیرینجی بارماق]

بو دئدي: هاني اوجا نرديوان؟ [ایکیمینجی بارماق]

بو دئدي: مندن اوجا نرديوان؟ [اؤچومونجی بارماق]

بو دئدي: آللاها باخين، تانرييا باخين گئتميين (یا داکی ایمام وار، پیغمبر وار اوتانین گئتمیین ) [دؤردومونجی بارماق]

بو دئدي: خالام قيزين آلين منه [جوری بارماق]

تاپدييين بونون باشينا،

تاپدييين بونون باشينا.

بیر آیری ورژنین ده آقای علیرضا صرافی یازان مقاله ده تاپدیم. ایشیق سایتین دا چاپ اؤلوپ. لولو لولو حوْوضه
اوشاغین الینی اللرینه آلیب، آووجوندا بارماق ایله بیر داییره چکیب،اوْخورلار:
-لؤلو،لؤلو حؤوضه
-دؤرت بیر یانی سبزه
(سونرا جیری بارماغی بؤکرک) :
-بیر قوش گلدی سو ایچمگه،
(ایکینجی بارماغی بؤکرک ):
-بو توتدو،
(آرا بارماغی بؤکرک):
-بو پیشیردی،
(دؤردونجو بارماغی بؤکرک):
-بو یئدی،
(سونرا باش بارماغین باشینا چالاراق) دئیرلر:
-بونا دئدیلر: کؤله قالاسان، بؤیومویه‌سن، کؤله قالاسان، بؤیومویه‌سن.