۱) قاری ننه

بیرینجی ورژن:

یرگون واریدی، بیرگون یوخویدی، تانریدان سونرا هئچ کیم یوخیدی.

.بیر قاری ننه‌نین بیر بیزووو واریدی. قیش وقتینده شخته هاوادا اونی آپاریر چشمه گیراغیندا سو ورماغا، اونون آیاغی بوزدان زویور. توشور قیچی سینیر

!دئیر: آی بوز سن نه ظالیمسن

.دئیر: من ظالیم اولسایدیم، گون منی اریتمزدی

!دئیر: آی گون سن نه ظالیمسن

.دئیر: من ظالیم اولسایدیم، بولوت قاباغیمی توتمازدی

!دئیر: آی بولوت سن نه ظالیمسن

.دئیر: من ظالیم اولسایدیم، یاغیش من‌نن یاغمازیدی

!دئیر آی یاغیش سن نه ظالیمسن

.دئیر: من ظالیم اولسایدیم، گؤی اوت من‌نن بیتمزیدی

!دئیر: آی گؤی اوت سن نه ظالیمسن

.دئیر: من ظالیم اولسایدیم، قویون منی یئمزیدی

!دئیر: آی قویون سن نه ظالیمسن

.دئیر: من ظالیم اولسایدیم، قصاب باشیمی كسمزیدی

!دئیر: آی قصاب سن نه ظالیمسن

.دئیر: من ظالیم اولسایدیم، سیچان دخیلیمی آپارمازیدی

!دئیر: آی سیچان سن نه ظالیمسن

.دئیر: من ظالیم اولسایدیم، پیشیك منی توتمازیدی

!دئیر: آی پیشیك سن نه ظالیمسن

:دئیر

ظالیمم ها ظالیمام / كورسو اوستونده دورارام/ بوغلاریمی بورارام/ خانیم منه بیر سوز دئسه/ قاب قاشیقی قاتارام

ایکیمینجی ورژنی سلطان مجید غنی زاده نین سئچیلمیش اثرلری کیتابیندا گؤروپ بوردا گتیریرم.

آی اوشاقلار، بالالار

داغدا ککلیک بالالار

دورون چیخین ائشییه

باخین مستان پیشییه

گویروقی ایلان کیمی

گؤزلری مرجان کیمی

تئل تئل ساری بیغلاری

شیمشک دیر قولاقلاری

سیچان گؤرچک ماریلدار

قوش گؤرجیین مورولدار

گؤروز اؤ نه حال دادیر

ناغیل حه له دال دادیر

بیرجه کیشی واریدی

ایشدانجیغی دار ایدی

چیخدی بیر گون بوز اوسته

سوروشدی دوشدی دیز اؤسته

دئدی: آی بوز سن نه ظالیمسن.

دئدی:‌ ظالیم اولسایدیم منی گون اریتمزدی

دئدی: آ گون سن نه ظالیم سن.

دئدی: ظالیم اولسایدیم منیم اوستومو بولود آلمازدی

دئدی: ‌آ بولود سن نه ظالیم سن

دئدی: ظالیم اولسایدیم من نن یاغیش یاغمازدی

دئدی: آ یاغیش سن نه ظالیم سان

دئدی: ظالیم اولسایدیم من نن گؤی اؤت بیتمزدی

دئدی: آی گؤی اوت سن نه ظالیم سان

دئدی: ظالیم اولسایدیم منی قویون قوزی یئمزدی

دئدی: آی قویون قوزی سیز نه ظالیمسینیز

دئدی: ظالیم اؤلسایدیق بیزی قصاب کسمزدی

دئدی: آ قصاب سن نه ظالیم سن

دئدی: ظالیم اولسایدیم منی چوبان آلداتمازدی

دئدی: آ چوبان سن نه ظالیم سن

دئدی: ظالیم اؤلسایدیم چاریقیمین باغین سیچان کسمزدی

دئدی: آ سیچان سن نه ظالیمسان

دئدی:‌ظالیم اوسایدیم منی پیشیک یئمزدی

دئدی: آ پیشیک سن نه ظالیمسان

دئدی:‌ظالیمام های ظالیمام

کؤرسی آلتی قیشلاغیمدیر

یوک اؤستو یایلاغیمدیر

یای گؤنو یئل اسنده

چارداغلار اؤیناغیمدیر

قیش گؤنو قار یاغاندا

مطبخلر اؤلاغیمدیر

چله چیخار قیش گئدر

خبر نوئروزدان یئتر

موروو موروو چاغیررام

میووو میووو باغیررام

تؤستو قالخار اؤجاقدان

من قالخارام بؤجاقدان

دؤرارام های دؤرارام

بیغلاریمی بورارام

قاری ننه چؤله چیخاندا

سؤد قایماقین وؤرارام

[سلطان مجید غنی زاده، سئچیلمیش اثرلری، آوراسیا پرس، باکو، ۲۰۰۶، ص۱۵۶]

اول چاپی (باکو ۱۹۶۵ آذرنشر)