شعر ۲۸) ساچلارینان تئل اسنده

خانم مروارید دلبازی دن بیر شعر.

ساچلارینان تئل اسنده

تئلینه قوربان اولموشام

دیلین سؤزه تلسنده

دیلینه قوربان اولموشام

تازا چیخان سود دیشینه

تیریپ تیریپ یيریشینه

باخمیشام حیران اؤلمیشام

یاناقینین گولو سؤلسا

کؤنلون بیر آن توتقون اولسا

بیر آغریا گؤزون دولسا

من اوره گی قان اؤلموشام

کئچیب گئتدی آییم، ایلیم

سن آچیلدین، غنچا گولوم

آنا دئین گوندن دیلین

بختیار اینسان اولموشام

مروارید دلبازی