مارچ ۱۴
مارچ ۱۴
مارچ ۱۴
دۆنن ام‌آی‌تی اوچون اؤزل* بیر گۆن ایدی.
- کووید محدودیت‌لری قالدیریلدی و آرتیق دانشگاه‌ین هئچ یئرینده ماسک تاخماق گرکمیر. سانکی هامی بو گونو گؤزله‌ییرمیش نیه کی ائله اول گؤندن تقریبا هامی ماسک‌سیز گزیردی.
- آمریکادا مارچ‌ین ۱۴نجو گؤنو تقویم‌لرده 3/14 یازیلیر آمما اروپا و باشقا یئرلرده 14/3 یازیلیر یانی اول گۆن سونرا آی یازیلیر. بو یازیدان الهام آلاراق، بو گۆن ام‌آی‌تی‌ده "پی گونو (Pi Day)" آدلاندیریلیب و چئشیدلی* علمی برنامه‌لرله بیرلیکده بیر مهم اتفاق گئرچکلشدیریلیر: ام‌آی‌تی‌ده لیسانس اوخوماغا اپلای ائتمیش اؤیرنجی‌لرین قبول و یا رد اولدوقلاری بو گۆن ناهاردان سونرا ساعات 6:28دا اعلام اولونور. آمما ندن 6:28؟ چۆنکو 6.28 = 3.14*2 و بو عدد ریاضیات و مخصوصا هندسه‌ده "تاو عددی (Tau number)" ایله تانینیر.
سؤزلوک: اؤزل: مخصوص – چئشیدلی: مختلف
ویدئو: ام‌آی‌تی اؤیرنجی‌لریندن پی عددین‌ین نئچه اعشارا کیمی یازا بیلجک‌لرینی سوروشورلار.