ناغیل ۱۲) بالاجا شاهزاده (تولکی نن گؤروشن صحنه)

بالاجا شاهزاده ایگیرمی بیریمینجی صحنه سی

ائله بو واخت تولکو گلیب چیخدی. او، سلام وئردی. بالاجا شاهزاده نزاکتله اونون سلامینی آلدی، لاکین چئوریلیب اطرافینا باخدیقدا هئچ کیمی گؤرمه دی. همین سس یيئنه دن ائشیدیلدی: من بوردایام، آلما آغاجینین آلتیندا...! - سن کیمسن؟ بالاجا شاهزاده سوروشدو، سن نئجه ده گؤزلسن! -من تولکویم! او جاواب وئردی. - گل بیرلیکده اوینایاق! بالجا شاهزاده اونا تکلیف ائتدی. -من ائله غملییم کی... -من سنینله اوینایا بیلمرم. من اهلی لشمه میشم. تولکو بونو دییپ قاچیردی. بالاجا شاهزاده -اه! ائله اولسا باغیشلا. دئدی. لاکین، بیر آز فیکیرلشندن سونرا، علاوه ائتدی: -اهلی لشمک نه دئمه کدیر؟ −اها! دئمه لی سن بورالی دئیلسن. بس بوردا نه آختاریرسان؟ تولکو سوروشدو. -آداملاری آختاریرام. بالجا شاهزاده جاواب وئردی. -اهلی لشمک نه دئمه کدیر؟ تولکو ایسه جاوابیندا دئدی: همم! آداملار، اونلارین توفنگلری وار، اوو ائدیرلر. بو چوخ بئکارا و ناراحات ایشدیر! اونلار هله تویوق دا ساخلییرلار. بو اونلرین یئگانه ماراقلاندیغی شئی دیر. سن تویوق آختاریرسان؟

بالاجا شاهزاده جاواب وئردی: -خئیر، من دوست آختاریرام. بس اهلی لشمه ک نه دئمه کدیر؟ -بو چوخدان کؤهنه لیب اونودولموش بیر سؤزدور. دئیه تولکو بیلدیردی. –معناسی علاقه یاراتماق دئمه کدیر. -علاقه یاراتماق؟ −البتته. تولکو تصدیق ائتدی. −سن، هله لیک، منیم نظریمده بالاجا بیر اوغلانسان، یوز مینلرله بالاجا اوغلانلر کیمی. نه سن منه لازیمسان، نه ده من سنه. چونکی من ده سنین نظرینده یوز مینلرله آیری تولکولره بنزه ین بیر تولکویم. اما سن منی اهلی لشدیرسن، اوندا، بیزیم بیربیریمیزه احتیاجیمیز اولاجاق. سن منیم اوچون دونیادا یئگانه اولاجاقسان، من ده سنین اوچون... بالاجا شاهزاده دئدی -دئیه سن من یاواش-یاواش آنلاماغا باشلاییرام. بیر گول وار... منه ایئله گلیر کی، او، اهلی لشدیریلیب... تولکو راضی لاشاراق - نییه ده اولماسین، یئر اوزونده ائله شئی لره راست گلیرسن کی... دئدی -امما او گول یئر کوره سینده دئییل. بالجا شاهزاده اینکار ائتدی. بو، تولکویه چوخ ماراقلی گؤروندو. -بس هاردادیر؟ آیری بیر پلنئتده؟ −-هه. -همین او پلنئتده ده اووچو وار؟ −یوخ -باخ بو چوخ ماراقلیدیر. بس تویوق نئجه؟ −یوخ. تولکو آه چکدی. حیاتدا هئچ شئی قوصورسوز اولمور. -هر شئی کامیل اولا بیلمز. لاکین، تولکو، یئنه دن اؤز اوولکی فیکرینه قاییتدی.

آنتوان دو سنت اگزوپری نین کیتابی

[ احمد بابائی (آتاخان اوغلو) چوؤورن دیجیتال کیتاب ahmadbabayi@gmail.com، فرانسیز دیلیندن ترجومه ائدنلر: عزیز گؤزلسوی، یاقوت قوربانووا]

[عزیز گؤزلسوی و یاقوت قوربانووا، بالاجا شاهزاده، ویراستار پریسا داداش پور، انتشارات پارلاق قلم، تبریز، ۱۳۹۸]