شعر ۱۰۲) بادام ایچی

خانم زینت تدین نان بیر شعر. اؤز شخصی اینستاگرام پیجلرین نن گوتورموشم.

بالا بادام اولسادا

بادام ایچی ان شیرین

محبتی اورکده

بسله نیر درین-درین

ساچی ایپک دن ایپک

صورتینده وار بزه ک

اولماز فانی دونیادا

الین الیندن اوزمک

دنیادا شیرین پاییم

پاییزیم، یازیم-یاییم

واخت-وعده سی چاتینجا

گونلری نئجه ساییم؟

گونلری سایا-سایا

گؤزوم ساتاشدی سویا

سو اوزونده رقص ائدن

اون دؤرد، گونلوک او آیا

لاله یاناقلی قیزیم

چیچک فوخلو، نرگیزیم

سنله دؤندو حیاتیم

یایا-یازا، پاییزیم

ایشیغین گوندن آلان

ایشیق سیز دنیا یالان

نفسینه باغلییام

نفس دیر منله قالان

گل «تدین» چراغی

سؤنمز اودلو،اوجاغی

چیچکلن، منده گولوم

دونیانین سولماز باغی