رشید بی افندیوف دان بیر شعر. ۱۹۰۷ جی میلادی ایلینده بو شعر دییلیب.
تنبل
اؤیان غیفلت یوخوسوندان
گل ال گؤتور یامان گؤندن
یاپیش گئت بیر ایش اؤجوندان
دوا تاپ دردینه تنبل!
چیخ اؤ راحات اؤتاقیندان
دؤش اولکی داماغیندان
یاپیش کسبین قؤلاقیندان
قؤلاق وئر بیر منه تنبل!
بو تنبل لیک پیس عادت دیر
چه ک ال بوندان پیس خجالت دیر
چالیشقانلیق نه دؤلت دیر
آییل ای بینوا تنبل!
یؤنه ل گئت مکتبه ساری
اؤیرن بوتون ان یاخشی آثاری
اؤخو علم اهلی اؤل، باری
دئدیرتمه آدینا تنبل!
اؤخو علمی، ایشیقلان بیر
یاخیل علم اؤدونا، یان بیر
عوام قالماقدان اوتان بیر
باخ اؤز احوالینا تنبل!
اؤلار هر یوخلایان غافیل
قالار هر کسبدن جاهیل
بونو چوخ پیس یامان ایش بیل
جفا باس جانینا، تنبل!
۱۹۰۷ رشید بی افندیوف
[رشید بی افندیوف، سئچیلمیش اثرلر، ریداکتور: محمد عادیلوف، شرق-غرب نشری، باکو،۲۰۰۶، ص ۲۷]
اصلی کیتاب: [رشید بی افندوف، بالالارا هدیه، گنجلیک نشریاتی، باکو، ۱۹۷۹]