Embedded Files
اول ورژن میرزا علی اکبر صابر دن:
:بیر چوبان بیر گون ائتدی داغدا هارای
«جاناوار وار، -دئدی -گلین، ای وای!»
،اهل قریه یوگوردو داغ طرفه
گئتمه سین تا قویون -قوزو تلفه
بونلاری مظطرب گؤرونجه چوبان
!گولمیه باشلادی دئدی: «یاران
سیز بونو سانمایین حقیقتدیر،
!داماغیم گلدی، بیر ظارافاتدیر»
بینوالار قاییتدی، لیک چوبان
یئنه بیر گون داغ اوزره قیلدی فغان
.جاناوار وار! -دییه باغیردی یئنه
،قریه اهلین کؤمک چاغیذدی یئنه
کندچیلر ائتدیلردوباره هوجوم
یئنه اولدو یالانلیغی معلوم
دوغوردان بیر زامان بعزم شکار
قویونا گلدی بیر نئچه جاناوار
!هر چه داد ائیله دی چوبان: -یا هو
!ائشیدنلر دئدی: یالاندی بو
بو سبب دن هارایه گئتمه دیلر
اونا هئچ اعتناده ائتمه دیلر
جاناوارلار بوتون یئدی قویونو
!!!اشیت اوغلوم! یالانچیلیق اویونو
باخ! یالانچی تانیلدی، چونکو چوبان
دوغرو دییر کن، سؤزو گؤروندو یالان
هرگز اوغلوم! یالان دئمه کی خدا
دوست دوتماز یالانچینی ابدا
هم ده خلق ایچره حؤرمتین اولماز
عزتین، قدر و قیمتین اولماز
ائوی یاندی یالانچینین دییرلر
اونا بیر کیمسه ائتمدی باور
(میرزا علی اکبر صابر)
ایکیمینجی ورژن: حبیب فرشباف دان بیر شعر.
«يالانچي چوبان»
سحر- سحر بير چوبان
داغا ديرماشماق همان
اَلين قويوب قولاغا
چيغيراردي اوجادان
ـ قورد آپاردي قويونو
!تئز گلين آي جاماعات
قويمايين هَده‌ر اولسون
!يازيقدير بو حيوانات
الَه آغاجي گَلن
،اوز قويارديلار داغا
اونلاري گؤره‌ن چوبان
،باشلاياردي گولماغا
ـ اَده هارا گليرسيز؟
من ظارافات ائديرديم
بير تولكويموش گؤردويوم
.من اؤزومو ايتيرديم
هر گون يالانچي چوبان
اوتاراركن قويونو
كندلي‌لرين باشينا
. آچاردي بو اويونو
بير گون يالانچي چوبان
،سحر داغا ديرماشدي
قويونلار قاباغيندا
، اوكنددن اوزاقلاشدي
نئچه جاناوار بيردن
،ديرماشديلار دره‌دن
!چوبان چيغيردي هاراي
!آي جاماعات گلين هاي
هر كس ائشيتدي سسين
سؤيدو اونون دده‌سين
ـ فیلان، فیلان گؤره‌سن
،يئنه نه قورقو قوروب
قارا قويون سوتوندن
.يئييب چؤلده قودوروب
بير نفرده گلمه‌دي
،چوبانين كؤمه‌گينه
چوبان دؤرد جاناوارا
نه ائله‌سين تكينه؟
جاناوارلار بير آندا
سورويه داراشديلار
بئشين بوغوب دؤردون ده
گؤتوردولر قاشديلار
Page updated
Google Sites
Report abuse