شعر ۷۷چیلله شعری

آقای محمد حسن نژاد دان بیر شعر. یئنی قاپی سایتین دان گؤتورموشم.

پاییز یئتیردی سونا

باغ بوروندو آغ دونا

اوتورموشوق کورسوده

گؤزله‌ییریک قار قونا

خوش گلیبسن قار قیزی

دمله‌میشیک یارپیزی

یازی‌میز سولو اولسون

کسدی آتام قارپیزی

قیش گله‌جک‌دیر قوناق

نه یامان دونوب بولاق

ایستی گون دؤنه‌جک‌دیر

یای‌دان نیشاندی میلاق

چیلله‌ده عاییله‌لی

نار یئییریک دنه‌لی

“اومود باهارا دوغرو”

شن یاشا خاطیره‌لی