ناغیل ۶) سوت یؤلو

اوشاقلار، گجه چاغی گؤیه باخاندا، نه گورورسوز؟ میلیون لار میلیون اولدوز. بعضی سی یوخاری، بعضی سی اشاقی پاریلدیرلار. بعضی لری آیا یاخین، بعضی سی ده اون نان اوزاخ دیلار. دیققت ائله سز، گئجه گؤیونون بیر گوشه سین ده، بیر آخار چای کیمین، سوت رنگین ده بیر نقش گوره بیلرسیز. ایپک یؤلو ایله سیاحت ائدن تاجیرلر، اونا مکه یولی دییردیرلر. آمما بویونکی دؤنیادا اونا سوت یولؤ کهکشانی دیگیل لر. اصلین ده او آخار چای کیمی، نه اؤلدوغونو بیلیرسینیز می؟ سوت یؤلؤ کهکشان بیز یاشادیغیمیز کهکشانین آدی دی. تانیغیدیمیز بوتون سیاره لر و گؤزل بهشته اوخشار یئر سیاره سی بوتون بو کهکشانین ایچینده دیرلر. آمما بونلاری بیز تلسکوپ لاردان ایستیفاده ایلین نن سونرا اؤرگه نمیشیک. آنجاق تلسکوپ دان قاباق، اینسانلار بو نقیشلرین معناسین تاپماق اوچون اوز تصوراتینده ن ایستیفاده ائدیردیلر. سیز بولورسوز بو کهکشانه نیه سوت یؤلؤ دییرلر؟

بونون آرخاسیندا بیر حیکایت وار. قدیم بیر یونان حیکایه سینن گلیر. قدیم یونان گؤزه گورولمین لر دؤنیاسندا، گؤزه گورولمین لرین اینسان لارینان وصلت ایلماغا ایجازه لری یوخودو. زئوس آمما، گؤزه گورولمین لرین لاپ ان بؤیوکی، بیر اینسان قادین آلکامیدی آدینان وصلت ائلییپ اونان بیر اوغول صاحیبی اولور. بو قادین ساده بیر اینسان دگیل دی. او پرسیوس اینان آندرومدانین نوه سی دی و اونا گؤره گوزه گورولمین لرین قایادلارینا بلدی دی و زئوسون قانونی پوزدوغونا گؤره فاجعه لی نتیجه لر اولدوغونی بیلیردی. اونا گؤره بو اوغلون آدین، گؤزه گورولمین لرین کرالیچی* نین آدینا، سئچیب، اونو هرکلیوس آدلاندیریدی. هراکلیوس یانی هئرانین ایفتیخارینا! هئرا گؤزه گورولمین لرین بویوک زورلی کرالیچی سی دی.

هئرا، چوخلی گؤزه گورولمین لرین آناسی و المپیا داغینین زورلی کرالیچیسی، بو قانونون پوزولماغین ائشیتماخ همین غضب ائدیب بو اوشاغین آرادان گئتماغین ایسته دی. اوشاقین ایمتیحان نان کئچمسینی لازیم اولدوغونی سویله دی. بو ایمتیحان دا اوشاق اؤلسی دی دا او تک جه تانرینین ایراده سی دی. هراکلیوسین باباسی، زئوس، اونون دیری قالماغین ایستیردی. اونا گؤره بیر آیری آتنا آدین دا گؤزی گورولمین نین واسطه سی له هرکیولسی بو ایمتاحان نان ساغ سلامت رد الدی. آمما فقط اونون دیری قالماغینا راضی دگیلدی و اونون گؤزه گورولمین لره تای اؤلوم سیز یاشایش ایستیردی. اؤنون تک جه یولو بویودی کی هرکیولس ده اوبیرسی گؤزه گورولمین لره تای هئرانین سینه سینن سؤت ایچه یدی.

او آتنانین واسطه سی له، هراکلیوسی، هئرانین یانینا یتیریر. هئرا، هراکلیوسی گؤره ن کیمی یوموشالیپ و آنا غریزه سی اوندا اویاندی. هراکلیوسی قوجاقا آلیپ باشلادی اونا سؤت ورماقا. هراکلیوس، المپیا نین ان بویوک پهلوانی، یاری اینسان، یاری گؤزه گورولمین، زؤرلانیب، بیر آز سؤتی ایچه ن نن سونرا، هئرا آننانین سینه سین دیشله دی. هئرا حیصله نیب اؤنی اوز سینه سینن آییریپ اوزاخلاتدی. بو حال دا هئرانین سِحِرلی سوتو گؤیه سیچیرالانیب اونان تمام اولدوزلار یارادیلدی. بوجور اولدوکی او اولدوزلارا هئرانین سؤتونه گوره دییروخ سؤت یؤلو کهکشانی.

*کرالیچی: ملکه